Жақсылық Омар: бұл сәндік әрі сәулеттік жоба Қала күніне тарту болмақ
Фото: Тілеубек Шаяхмет
Облыс орталығындағы Шығыс Қазақстан облыстық Достық үйі – Қоғамдық келісім орталығы ауданындағы (бұрынғы Металлургтер мәдениет сарайы) тұрғын үйлер алдағы тамыз айының соңына дейін арнайы шамдармен жарықтандырылып, түнгі уақытта мүлдем жаңаша кейіпке енбек.
Бұл тосынсыймен бүгін қалада атқарылып жатқан шаруалардың барысымен танысып шыққан Өскемен қаласының әкімі Жақсылық Омар бөлісті, деп хабарлайды Altaynews тілшісі.
Аталған жұмыстар конкурстық рәсімдер аяқталғаннан кейін бірден басталады. Жоба аясында Назарбаев даңғылы бойындағы алты ғимарат – облыстық Достық үйі, "Сережа" қонақ үйі, аймақтағы басты медиа-холдинг – Shygys Aqparat ЖШС ғимараты, сондай-ақ оған қарама-қарсы үйлер жарықтандырылып, түнгі уақытта жарқырап жайнай түспек.