ҚР ІІМ ӘПК базаларындағы ақауға байланысты мамандандырылған ХҚО-да сағ. 12.00-ге дейін автоқызметтер көрсетілмейді. Жүйенің іске қосылғаны туралы қосымша хабарланады.

"ІІМ Әкімшілік полиция комитеті жүйесінің істен шығуына байланысты Қазақстан бойынша мамандандырылған ХҚКО қызметтері қолжетімсіз. Кешірім өтінеміз. Мамандар жауапты мемлекеттік органмен бірлесіп техникалық ақауларды жойып жатыр. Қашан жұмысқа оралатынымызды кейінірек қосымша хабарлаймыз", - деді мемлекеттік корпорация өкілдері.

Естеріңізге сала кетейік, ҚР ІІМ жүйелерінің жұмысындағы техникалық ақаулықтарға байланысты Қазақстан бойынша мамандандырылған ХҚО қызметтері кешегі күннен бастап қолжетімсіз. 

Мамандандырылған ХҚКО-ларда көрсетілетін қызметтердің барлығы дерлік - автокөлікті тіркеу, айыппұлдар, жүргізуші куәлігін беру - солардың сервистері.