Кеше 18 мамырда сағат 23.40-та Алтай қаласында екпіні 17 м/с қатты соққан желдің салдарынан Техникалық колледждің 4 қабатты ғимаратының шатыры ұшып кеткен, деп хабарлайды Altaynews тілшісі. 

Ешкім зардап шеккен жоқ. Оқиға орнында жергілікті атқарушы органдарының комиссиясы жұмыс жүргізуде.

ШҚО ТЖД халыққа дауылдық ескерту туралы алдын ала жариялаған болатын.

Құтқарушылар азаматтарға аса мұқият болып, нашар бекітілген және ескі құрылғыларға, қараусыз қалған ғимараттарға, ағаштарға, электржелілерге жақындамауға ұсынады.

Төтенше жағдайлар пайда болған жағдайда 112 телефоны бойынша жедел қызметтерге хабарлаңыздар.