Өскемендегі Абай даңғылында жол қозғалысы қиындауы ықтимал. 
Аталған даңғылдың бір бөлігінде фрезерлеу жұмыстары жүргізіліп жатыр, деп хабарлайды Altaynews тілшісі. 
Өскемен қалалық ТҮКШ, жолаушылар көлігі және автомобиль жолдары бөлімінің хабарлауынша, 24 сәуір күні сағат 10.00-де жолдың бір бөлігінде жөндеу жұмыстары басталған. Фрезерлеу жұмыстары Б.Александров атындағы Спорт сарайынан Михаэлис көшесіне дейінгі аумақта жүргізіледі. Жөндеу жұмыстарымен қатар жол қозғалысы да жалғаса бермек. Қызметкерлер екі ауысымда жұмыс істеп жатқанын да атап өткен жөн.