30 тамыз күні облыс орталығында Қала күніне орай жергілікті және республикаға танымал эстрада жұлдыздарының қатысуымен мерекелік концерт өтті.

Бүгін Өскемен қаласындағы орталық алаңға жиналған жұртшылықтың қарасы қалың. Еңбектеген баладан еңкейген қарияға дейін жылда асыға күтетін сүйікті мерекелерін тойлауға келген. Қала күні тұрғындарға тамаша көңіл-күй мен ерекше әсер сыйлағаны осыдан-ақ белгілі, деп хабарлайды Altaynews тілшісі.

Айта кету керек, облыс орталығында қос мереке жыл сайын 24-30 тамыз аралығында атап өтіледі.

Бүгін іс-шаралардың нүктесі қойылып, жергілікті өнер жұлдыздарының қатысуымен гала-концерт өтті. Кештің басты қонағы болып өскемендіктерді айтулы мерекемен құттықтауға республикаға танымал эстарда жұлдыздары Еркеш Хасен мен Садраддин келген.