Белгілі саяхатшы Сәрсенбай Қотырашов бүгін Шығыстың бас шаһарынан Моңғолия астанасы Ұлан-Батыр қаласына жаяу аттанды. Марафоншы 2550 шақырымды шамамаен 2,5-3 айдың ішінде бағындырмақ ниетте, деп хабарлайды Altainews.kz тілшісі.

Айта кету керек, әу баста марафоншы үш мың шақырым қашықтықты жаяу басып өтіп, Қытайға баруды жоспарлаған. Алайда, қандай да бір қиындықтар туындап, бағытын өзгертуге тура келіпті.

Бүгін өскемендіктер белгілі саяхатшыны кезекті сапарына аса құрметпен шығарып салды. Ақсақал өзінің үш айға созылатын сапарын 5-ші Дүниежүзілік көшпенділер ойындарына арнайытын айтады.

Марафоншының басты мақсаты — Гиннестің рекордтар кітабына тіркелу арқылы әлемдік рекорд орнату. Есеп бойынша, сапар 2 жылға созылады. Ол турды 2025 жылдың тамызында аяқтауды көздеп отыр.

Фото: Аяужан Утеулинова