Бүгін Риддер жылу электр орталығында штаттан тыс жағдай орын алды: газбен дәнекерлеу жұмыстарының нәтижесінде газ-ауа қоспасы кернеуі салдарынан сызат пайда болды. Жұмыстар көмір беретін транспортерде жүргізілген еді. Станцияның жұмысы тоқтатылмай, тұрғындарға пәтерлеріне жылу беру жалғасады, деп хабарлайды  Altainews.kz тілшісі.

Оқиға салдарынан алты адам зардап шекті. Станция басшылығының мәліметінше, зардап шеккендер жедел түрде ауруханаға жеткізілді. Олардың жағдайы тұрақты жән қажетті медициналық көмек түгелдей көрсетіледі.

Оқиға орнына Шығыс Қазақстан облысының әкімі Ермек Көшербаев шұғыл келді. Ол жылу орталығының жағдайын қарап шығып, кәсіпорын басшылығымен және қызметкерлерімен кездесті.

Станция жұмысы штаттық режимде жалғасуда. Риддер тұрғындарының үйлеріне жылу беру тоқтатылмайды.

Оқыс жағдайдың себептері анықталуда. Оқиға орнында мамандар жұмыс істейді, олар болашақта осындай жайттарды болдырмау үшін қажетті тексерістер жүргізеді.

Фото: Махаббат Ахметжанова