2023 жылдың басында Қазақстандағы халық саны 19 766 мың адамды құраса, оның 9 647 мыңы ер адамдар екен.

Ұлттық статистика бюросының ақпараты бойынша, ер адамдардың ең көп шоғыры Түркістан облысында тұрады екен − 1 079 мың. Керісінше, ең азы Ұлытау облысында – 108 мың азамат, деп хабарлайды Altaynews тілшісі.

Атап айтсақ, 0-14 жас аралығында – 3 млн ұл, 15-62 жас аралығындағы ерлер саны – 5 876 мың, ал 63 жастан жоғары − 767 мың зейнеткер азамат бар.

Ведомствода атап өткендей, ер-азаматтардың 16,8%-ы − өндіріс саласында, 14%-ы − көтерме және бөлшек сауда, автожөндеу саласында, тағы 14%-ы − ауыл, орман және балық шаруашылығында еңбек етеді.

Ертең 7 мамыр – Қазақстанда Отан қорғаушылар күні атап өтіледі. Қалыптасқан дәстүр бойынша бұл күні әйелдер өз өмірлік серіктеріне құттықтаулар арнап, сыйлықтарын табыстайды.