2022 жылы және 2023 жылдың 6 айында мемлекеттік қызметшілер өздеріне тарту етілген 438 сыйлықты мемлекеттік мүлік жөніндегі уәкілетті органға тапсырды.

Тапсырылған сыйлықтың 188-і аукцион арқылы сатылған көрінеді, деп хабарлайды Altaynews Қазақпарат агенттігіне сілтеме жасап.

Айта кетейік, мемлекеттік қызметшілерге немесе «Сыбайлас жемқорлыққа қарсы іс-қимыл туралы» Қазақстан Республикасының Заңына сәйкес өзіне сыбайлас жемқорлыққа қарсы шектеулер қабылдайтын өзге де адамдарға және олардың отбасы мүшелеріне хаттамалық және басқа да ресми іс-шаралар кезінде берілген (табыс етілген) сыйлықтар мемлекетке берілген сыйлықтар болып есептеледі. Бұл сыйлықтар ҚР заңнамасында айқындалған тәртіппен және мерзімде оларды мемлекеттік мүлік жөніндегі уәкілетті органға өтеусіз беру арқылы мемлекеттік мүліктің құрамына түседі. Сыйлықтарды сатудан түскен ақша республикалық бюджетке аударылады.