Астана әуежайы маңызды хабарлама жасады
Фото: instagram.com/nqz_airport
Астана халықаралық әуежайының баспасөз қызметі терминалда шыққан өрттен кейін маңызды хабарлама жасады.
27 ақпан таңғы 07:50-де Астана халықаралық әуежайының коммутациялық жүйесінен өрт шыққаны туралы хабарлама келді. 08:24-те өрт толықтай ауыздықталды, деп хабарлайды Altainews.kz сайты Tengritravel.kz порталына сілтеме жасап.
Өрт сөндіру кезінде қатты түтіннің пайда болуына байланысты әуежай терминалындағы барлық жолаушы қауіпсіз жерге эвакуацияланды. 20 негізгі техника, 3 арнайы техника және 58 адам өртке қарсы жұмысқа жұмылдырылды.
Астана халықаралық әуежайы ұшып келетін рейстерді қабылдауды тоқтатқан жоқ. Алайда Астана халықаралық әуежайынан ұшатын 18 рейс кешіктірілуде. Олар: КС205 Астана-Дубай, DV702 Астана-Шымкент, КС 952 Астана-Алматы, IQ389 Астана-Жезқазған, КС 7052 Астана –Алматы, DV783 Астана-Өскемен, КС 313 Астана-Ақтау, ТК 357 Астана-Ыстамбұл, DV 747 Астана-Павлодар, КС7341 Астана-Қостанай, DV821 Астана-Пулково, КС 852 Астана-Алматы, КС7315 Астана – Қызылорда, Lo196 Астана-Варшава, IQ367 Астана- Қостанай, DV716 Астана-Шымкент, IQ437 Астана-Петропавл, КС345 Астана-Өскемен.
Жанаргүл Мұқатай