ШҚО-да қазір кене энцефалитіне қарсы шаралар жүргізіліп жатыр. Кене энцефалиті – тұрақты табиғи ошақтарда пайда болатын қауіпті вирустық инфекция. Вирус ауырған адамнан өзге адамға жұқпайды. 
Аймақтағы кене энцефалитінің эпидемиологиялық ахуалы жөнінде өңірлік коммуникациялар қызметінде өткен брифингте облыстық денсаулық сақтау басқармасының штаттан тыс бас эпидемиологы Бұлбұл Сағидолда, штаттан тыс бас иммунологы Иван Мещеряков және штаттан тыс инфекционисі Назигуль Сапарғалиева мән-жайды түсіндірді, деп хабарлайды Altaynews тілшісі. 

Өткен жылғы эпидемиологиялық маусымда облыс аумағында инфекция жұқтырудың 9 жағдайы тіркелген. 
Мамандар табиғат аясына да сақтық шараларын орындауды ескертті. Дәлірек айтқанда, қалың шөпке отырмау және жатпау, киімді, денені және заттарды жиі тексеріп тұру қажет. Киімдерді қағып, сілкіп, денені тексеру керек.