"Қазгидромет" ШҚ филиалының ақпараты бойынша, 17 шілдеде ШҚО-ның  оңтүстігінде 35 градус қатты ыстық күтіледі.

Өңірде төтенше өрт қаупі сақталады, деп хабарлайды Altaynews тілшісі.

ШҚО ТЖД ыстықта күндіз далаға шықпау керектігін, қарқынды физикалық белсенділіктен аулақ болу қажеттігін еске салады. Сыртқа шыққанда көлеңкені саялау қажет. Шомылу үшін тек рұқсат етілген орындарға, жабдықталған жағажайларға бару қажет. Мас күйде шомылмаған жөн.

Өрттің алдын алу мақсатында орман аймағына баруды шектеу қажет.

Төтенше жағдай кезінде "101" және "112" телефондары бойынша хабарлау қажет.