– Мемлекет басшысының бүгінгі Жолдауында көптеген маңызды сұрақтар айтылды. Экономика қоғамды дамытушы, жетелеуші сала болғандықтан оған өте ерекше көңіл бөлінуі керек. Жергілікті бюджетке түсетін қаражатты сол өңірді дамытуға жұмсау мәселесін шешуде еркіндік беру туралы айтқаны өте орынды деп санаймын. Аудан әкімдеріне қатысты тапсырманы қаражатты мақсатты пайдаланудың негізі деп ойлаймын. Сондықтан оған құқықтық тұрғыдан қолдау көрсетіліп, нормативтік құжаттарды реттеу, қаражаттың орынды жұмсалуы мен нәтижесі біркелкі бақыланып отырса, бірқатар жетістікке жетуге болады деп ойлаймын. Бұл – елді мекендерді дамытуға бағытталған маңызды қадам, – деп пікірін ортаға салды Альмира Сактаева.