«Қазгидромет» РМК қазанның 31-іне арналған күн райы болжамын жариялады.

Атлантикалық циклонның және онымен байланысты атмосфералық фронттардың ықпалына байланысты ел өңірлерінің асым бөлігінде күн құбылып тұрады, деп хабарлайды Altaynews Kazinform агенттігіне сілтеме жасап.

Елдің басым бөлігінде жауын (жаңбыр, қар) жауып, көктайғақ болады. Түнде Қазақстанның орталығында (жаңбыр, қар), оңтүстік-шығыста, таулы аудандарда (жаңбыр, қар), күндіз оңтүстікте қатты жаңбыр жауады.

Қазақстан бойынша тұман түсіп, жел күшеюі ықтимал, солтүстік-батыста жел тұрып, жаяу бұрқасын соғады.