БҰҰ Бас Ассамблеясының 2005 жылғы 25 қазандағы қарарына сәйкес Дүниежүзілік жол-көлік оқиғалары құрбандарын еске алу күніне арналған «Жол қозғалысы қауіпсіздігі апталығы»  акциясы аясында конкурс өтті.

Байқауды ШҚО ПД Әкімшілік полиция басқармасы «ШҚО автомектептер одағы»  бірлестігімен бірлесіп, облыс автомектептерінің курсанттары арасында өткізді, деп хабарлайды Altaynews.kz тілшісі.

Байқауға «Автомектеп-М» ЖШС, «Восток-Азия-Авто» ЖШС, «Ұлан» колледжі» мекемесінің филиалы, «Данел» ЖШС, «Рахышев Т.Т.» ЖК сияқты автомектептердің 10-нан астам курсанттары қатысты.

Байқау қорытындысы бойынша конкурсанттарға Әкімшілік полиция басқармасы мен «ШҚО автомектептер одағы» кәсіби бірлестігінің бағалы сыйлықтары табысталды. Барлық аталымдар бойынша жеңімпаз атанған «Автомектеп-М» ЖШС курсанты бас жүлдені алып, «GOOD Avto» автосалоны ұсынған 100 000 теңгенің сертификатымен марапатталды.

Автор: Жамал Ермен