Бүгін Риддер қаласының қоғам белсенділері мен ПИК өкілдері қалалық ЖЭО-ға барып, жылу беруде ешқандай мәселенің жоқ екеніне көз жеткізді.

Қазіргі уақытта ЖЭО-да төрт қазандық жұмыс істеп тұр. Олардың үшеуі орташа және біреуі жоғары қысымдағы қазандық.  Тағы екеуі резервте тұр. Бұл туралы кәсіпорын өкілдері мәлімдеді, деп хабарлайды Altaynews.kz тілшісі. 

Қала тұрғындарына барлық қазандықтардың жұмысы, басқару пульті көрсетілді, температура деңгейін көтеру бойынша жұмыстың қалай жүргізілетіні айтылды. Сондай-ақ ЖЭО-ның неліктен әлі күнге дейін толық қуатында жұмыс істемей тұрғаны да түсіндірді. Мәселе мынада – жабдықты жаңартқаннан кейін толық баптау және тестілеу жұмыстарын жүргізу қажет.

Өз кезегінде, қала тұрғындары басшылыққа өздерін қызықтырған сұрақтарын қойып, ағымдағы жағдайды талқылады және бірнеше күн бойы әлеуметтік желілерде таратылып жатқан қазандықтардың тоқтағаны туралы жалған ақпарат туралы өз пікірлерін білдірді.

Жылу көзінің жұмысымен танысып, кәсіпорынның қалай жұмыс істейтінін өз көздерімен көрген олар жылу мен электр қуатын беруде кідірістерге әкелетін сорғылар тұрғындар тарапынан аз қолданылу қажет деген қорытындыға келді. Қоғам белсенділері осы бағытта түсіндіру жұмыстарын жүргізетін болады.