Жетектеуші иттер ерекше қажеттіліктері бар адамдарға көмектесу үшін арнайы үйретіледі. Бұл жақсы нәтиже көрсеткен әлемдік тәжірибе, деп хабарлайды Altaynews.kz cайты.

ШҚО әкімі Ермек Көшербаев жұмыспен қамтуды үйлестіру және әлеуметтік бағдарламалар басқармасының ұжымымен кездесуінде Шығыс Қазақстанда жетектеуші иттерді дайындау мүмкіндігін қарастыру қажеттігін айтып өтті.

Бұл тәжірибе әлемнің көптеген елдерінде кең таралған. Жетектеуші ит тек адал дос қана емес, сонымен қатар ерекше қажеттіліктері бар адам үшін сенімді көмекші де бола алады.

Мамандарға осы әлемдік тәжірибені егжей-тегжейлі зерделеп, өз ұсыныстарын енгізу тапсырылды.