Қазгидрометтің ақпараты бойынша, 22 қаңтар 21.00-ден 23 қаңтар 21.00-ге дейін Өскемен және Риддер қалаларында екінші дәрежелі қолайсыз метеожағдай күтілуде, деп хабарлайды Altaynews.kz тілшісі.

Қолайсыз метеожағдайда тұрғындарға бірқатар сақтық шараларын орындау ұсынылады:

• ашық ауада, әсіресе автомобиль жолдарының немесе басқа ластану көздерінің жанында болу уақытын қысқартыңыз;

• балалар мен жүкті әйелдер ұзақ серуендеуден бас тартуы керек;

• өкпенің созылмалы ауруларымен, жүрек-қан тамырлары, аллергиялық аурулармен ауыратын адамдар ашық ауада болған кезде өздерімен бірге дәрі-дәрмектерін алып жүруі керек;

• ашық ауада физикалық белсенділікті шектеңіз. Дене шынықтыру және спорттық шараларды жабық спорт кешендерінде жүргізу керек.

                                                               Айжанат Бақытқызы