Соңғы тәулікте Шығыс Қазақстан облысында (ШҚО) құтқарушылар қар құрсауынан 72 автокөлікті шығарды және 20 адамды, оның ішінде 4 баланы эвакуациялады, деп хабарлайды Altainews.kz тілшісі.

Құтқару шаралары «Өскемен-Риддер» тас жолының учаскесінде, «Өскемен-Шемонаиха-РФ шекарасы» республикалық маңызы бар тас жолында, сондай-ақ Самар ауданындағы Өскемен-Тарғын-Самар тас жолы мен Глубокое ауданындағы Шемонаиха-Секисовка жолында жүргізілді.

Шығыс Қазақстан облысының Төтенше жағдайлар департаменті тәулік бойы жұмыс істейтін жедел штаб құрды. Құтқару жұмыстары жол қызметкерлерімен және жергілікті атқарушы органдармен бірлесіп ұйымдастырылып, тұрғындарға жедел көмек көрсетуге бағытталған.

Құтқарушылар өтімділігі жоғары техникалармен қиын учаскелерді патрульдеуде. Олар жолда тұрып қалған көліктерге тексеріс жүргізіп, қажетті көмек көрсетуде. Аймақта дауылды ескерту жарияланды. 

Шығыс Қазақстан облысы

Төтенше жағдайлар департаментінің

баспасөз қызметі