Өңірдің медициналық ұйымының педиатрлары, жалпы практика дәрігерлері, медбикелері мен фельдшерлері үшін 0 жастан 5 жасқа дейінгі дені сау және науқас баланы дұрыс басқару, жас балаларды тамақтандыру бойынша тренинг өтті, деп хабарлайды Altainews.kz тілшісі.

Сабақты ШҚО денсаулық сақтау басқармасының бас педиатры, балалар жасындағы ауруларды интеграцияланған басқару және патронаж қызметінің әмбебап прогрессивті моделі жөніндегі облыстық үйлестіруші Гүл Құсайынова жүргізді. Сабақтың мақсаты - балалар мен сәбилер өлімінің, балалар мүгедектігінің көрсеткішін төмендету, балаларға медициналық қызмет көрсету сапасын жақсарту.

Тренингке қатысушылар жаңа туған нәрестеден бес жасқа дейінгі науқас балғындардың жағдайын бағалады, оларды жіктеп, емдеу тәсілдерін қарастырды. Көптеген проблемалық мәселелер талқыланды, ауру тарихы талданды, нақты жағдайлар бойынша түсініктемелер берілді (мысалы, полипрагмазияны, ауруханаға негізсіз жатқызуды болдырмау).

Сонымен қатар тренинг 6 айдан 2 жасқа дейінгі дені сау балалар үшін ғана емес, ауру балалар үшін де (анемия, БЭН және басқалар) дұрыс қосымша тағамдарды дайындау тәжірибесіне арналды.