Астана қаласында Қазақстанның театр майталмандарының арасында қазақ күресінен турнир өтіп жатыр. Осы додаға ШҚО драма театрының актерлері де қатысуда.

 «Театр барысы» 2-ші республикалық турнирі Халықаралық театр күніне орай өткізіліп жатыр,  деп хабарлайды Altainews.kz тілшісі.

Турнирде шығыстың намысын Арыстанбек Мұқият, Думан Дулатұлы, Жандос Салбанов қорғайды.

Жобаның басты мақсаты – елімізде мемлекеттік және мемлекеттік емес алпыстан астам театрлардың арасында ұлттық спортты дамытып, қазақ күресін кеңінен насихаттау, өңірлердегі театр актерлерінің бір-бірімен өнердегі шығармашылығын нығайту, сондай-ақ жастарымыздың талантты да мықты екенін көрсету мақсатында өтетін бұл турнирді дәстүрге айналдыру.

Турнир Жақсылық Үшкемпіров атындағы жекпе-жек сарайында өтуде.