Марқакөл мен Үлкен Нарын аудандарының шекарасы бекітілді
Мемлекет басшысының тапсырмасы бойынша қайтадан құрылған Марқакөл мен Үлкен Нарын аудандарының шекаралары бекітілді.
Бұл туралы бүгін өткен облыстық мәслихаттың кезектен тыс он екінші сессиясында белгілі болды, деп хабарлайды Altainews.kz тілшісі.
Мәслихат шешіміне сәйкес, дербес аудан ретінде құрылған Үлкен Нарынның аумағы 378 мың гектарды құрап, құрамына алты ауылдық округ кіруге тиіс. Ал жеті ауылдық округті біріктіретін Катонқарағай ауданының жер көлемі 940 мың гектарға жетеді. Сол сияқты, жаңадан құрылған Марқакөл ауданының аумағы 1 миллион 100 мың гектарға жетіп, құрамына бес ауылдық округ енеді. Ал 1 миллион 217 мың гектар жерді алып жатқан Күршім ауданында жеті ауылдық округ болады.
– Аудандарды бөлу кезінде тарихы шекаралары, тиімді мемлекеттік басқаруды қамтамасыз ету, кәсіпорындардың шоғырлануы мен табиғи ресурстарды игеруі, ауданның экономикалық әлеуетін ұтымды пайдалану сияқты факторлар ескерілді. Жаңа аудандардың құрылуы көптеген мәселені біржақты етуге, атап айтқанда, өңірлердің дербестігін арттыруға, жергілікті проблемаларды шешуге және өз кірістерін игеруге мүмкіндік береді. Ауданның әлеуметтік-экономикалық дамуы үшін қажетті жағдай жасалады. Ал бұл халықтың өмір сүру сапасын арттыруға жол ашады. Бұдан басқа, елді мекендерден аудан орталықтарына дейінгі қашықтық қысқартылатын болады, – деп мәлім етті сессияда ақпарат берген облыстық жер қатынастары басқармасы басшысының орынбасары Дәулет Сарманов.
Оқи отырыңыз
Үлкен Нарын, Марқакөл аудандарын құру туралы ұсыныс Үкіметке жолданадыКүршімдіктер де жаңа аудандардың тұрғындарына құттықтау бейнежазбасын жолдадыЖаңадан құрылған аудандарды дамыту мәселесі талқыланды - ШҚОШығыстағы таратылған ауылдардың тізімі. Енді картада болмайдыМарқакөл және Катонқарағай аудандарының тұрғындарын құттықтау жалғасып жатыр
