ШҚО офтальмологтары қоғамының отырысы өтті
Қазақ көз аурулары ғылыми-зерттеу институтының офтальмоонкологы, медицина ғылымдарының кандидаты Алуа Әубәкірова Шығыс Қазақстан облыстық офтальмологтар қоғамының отырысына қатысып, маңызды тақырыпта баяндама жасады, деп хабарлайды Altainews.kz тілшісі.
Естеріңізге сала кетейік, Өскемен қаласында Шығыс Қазақстан облысының офтальмологтары қоғамының отырысы өтті. ШҚО бас штаттан тыс офтальмологы Зарина Камасова қатысушыларды құттықтап, өңірдің офтальмологиялық қоғамдастығының алдында тұрған міндеттерді іске асыруда табысты жұмыс тіледі. Басқосу интерактивті, жанданған диалог рухында өтіп, оған өңірдің түкпір-түкпірінен жиналған офтальмологтар білімдері және тәжірибелерімен алмасты. Отырыс аясында маңызды тақырыптар бойынша үш баяндама жасалды.