ШҚО құтқарушылары жазғы лагерь тәлімгерлерін оқытты
ШҚО ТЖД мамандары жазғы балалар лагерлерінде, жасөспірімдер клубтарында жұмыс істейтін қызметкерлерге, сондай-ақ облыстағы мектептердің мұғалімдеріне қауіпсіздік ережелері мен алғашқы көмек көрсету әдістерін үйретті, деп хабарлайды Altainews.kz тілшісі.
– Мақсат – балалардың демалысын қауіпсіз ету. Бірнеше күн бойы тәлімгерлер, мұғалімдер дәрігерлер келгенге дейін алғашқы көмек көрсетуді, өрт, жер сілкінісі кезінде әрекет етуді, судағы қауіпсіздік шараларын үйренді. Төтенше жағдайдағы персоналдың іс-қимыл тәртібі, эвакуация жүргізу негіздері үйретілді, – деді ШҚО ТЖД бастығының орынбасары Куатбек Кенжебекұлы.
Лагерь қызметкерлері сабақтарға қызығушылықпен атсалысты. Әр қатысушы курстардан өткені туралы сертификат алды.
Енді олардың алдында үлкен міндет тұр, ол – жазғы каникул кезінде балалардың қауіпсіздігін қамтамасыз ету.
Фото: ШҚО ТЖД баспасөз қызметі
Оқи отырыңыз
