Бұған дейін хабарлағанымыздай, кеше ШҚО Күршім ауданының Маралды ауылындағы карьерде қауіпсіздік техникасын сақтамаған жұмысшы қаза тапқан.

Қосалқы мердігер ұйымдар – «Мырзатаев» ЖК мен «Стройград» ЖШС мерт болған краншының отбасына қолдау көрсететін болады, деп хабарлайды Altainews.kz тілшісі.

31 жастағы жұмысшының артында үш баласы қалды. Мердігерлер марқұмның туыстары мен жақындарына көңіл айтып, өтемақы төлеп, материалдық көмек көрсететіндіктерін жеткізді.

Оқиға орнында мемлекеттік еңбек инспекторы жұмыс істеп жатқанын айта кетейік. Болған жағдайға толыққанды талдау жүргізіліп жатыр.