Ертең ШҚО-да қалың қар жауады
pexels.com
«Қазгидромет» РМК хабарлауынша, 13 қазанда Шығыс Қазақстанда облыстың солтүстігі мен шығысында қалың қар жауады деп күтілуде.
12 қазанның сағат 20.00-нен 13 қазан 20.00-ге дейін дауылды ескерту жарияланды, деп хабарлайды Altainews.kz тілшісі.
Осыған байланысты, «ҚАЖсервис» ШҚО филиалы автокөлік иелеріне ескерту жасады.
- Жүргізушілер ауа райының өзгеруін, сондай-ақ, ауа райының нашарлауы туралы хабарламаларды мұқият қадағалап отыруы тиіс. Мекеме жол қозғалысына қатысушыларға ауа райы нашарлаған жағдайда елді мекендерден тыс жерлерге шықпауды сұрайды, - деп ескертті «ҚАЖсервис» ШҚОФ.
Егер сіз қала сыртына жолға шығуға мәжбүр болсаңыз, көлікті дайындап, қысқы дөңгелек салып, өз қауіпсіздігіңізді ойлап, сақ болыңыз!
Оқи отырыңыз
