15 қаңтарда түнде Шығыс Қазақстан облысының солтүстігінде қалың қар жауады.

Түнде облыстың көп бөлігінде, күндіз облыстың солтүстігінде, шығысында, оңтүстігінде боран күтіледі, деп хабарлайды Altaynews.kz сайты.

ШҚО ТЖД баспасөз қызметінің мәліметінше
Өскемен қаласында 15 қаңтарда түнде боран күтіледі. Жел батыстан, солтүстік-батыстан соғып, түнде екпіні 15-20 м/с болады. 
ШҚО ТЖД азаматтардан дауылды ескерту кезінде елді мекендерден тыс жерлерге бармауды сұрайды.
«Дәрмен» мобильді қосымшасында ауа райы мен жолдардың жабылуы туралы білуге болады.
Автокөлікті әлсіз бекітілген конструкцияларға жақын қоймаңыз.
Төтенше жағдай кезінде 112 нөмірі бойынша хабарлау қажет.