«Беловодье» орыс ұлтының мәдениетін әспеттеді
«Беловодье» орыс дәстүрлі фольклорының XXII халықаралық фестивалінің екінші күнінде қолөнер туындылары дәріптеліп, арнайы көрме ұйымдастырды, деп хабарлайды Аltainews.kz тілшісі.
Достық үйі - ШҚО Қоғамдық келісім орталығында өткен "Беловодье" фестиваліне ән, хореографиялық бағыт пен аңыз-әңгімелер айтушылар, солистер және сәндік-қолданбалы шығармашылық шеберлерінен тұратын 25 ұжым қатысты.
Биылғы фестивальға өз өнерлерімен бұрыннан танымал болған ұжымдармен қатар, Ресей өңірінен арнайы келген фольклорлық топтар да қатысты.
- Жыл сайын біз фестиваль бағдарламасын бір-біріне ұқсатамайтын ерекше етіп өткізуге тырысамыз. Бүгін фестиваль аясында біз шеберлік сыныптары мен шығармашылық зертханалар ұйымдастырдық. «Беловодье» фестивалі - бұл талантты көрсетуге арналған алаң ғана емес, сонымен қатар тәжірибе алмасу, жаңа тәсілдермен танысу және фольклорлық дәстүрлерді сақтауда жаңа көкжиектерді ашу мүмкіндігі, - деді ШҚО ҚХА Қоғамдық институттармен жұмыс істеу бөлімінің басшысы Әсел Самарканова.
Фестиваль аясында Достық үйінде шеберлік сыныптары, қолөнер жәрмеңкесі және орыс этнографиясы бойынша көрме ұйымдастырылды.
Ақерке Рағызбаева
Оқи отырыңыз
