KZ
RU
Өскемен
-14°
туман Штиль
497.89 520.89 5.47

Елизавета Белецкая: «Азиадада жүлде аламын деп ойламадым»

15.02.2025, 14:30 491 Төлеуғазы Жансая


Биатлоннан Қазақстан әйелдер құрамасы 2025 жылғы қысқы Азия ойындарында қола медаль жеңіп алды, деп хабарлайды Altainews.kz тілшісі.

Біздің команда 4х6 шақырымдық эстафетада Қытай мен Оңтүстік Кореядан кейін үшінші орын алды. Байрақты бәсекеде ел намысын Ольга Полторанина, Дарья Климина, Арина Крюкова және Елизавета Белецкая қорғады.

Бүгін Өскемен әуежайында осы төрттіктің құрамында өнер көрсетіп, ел қоржынына қола медаль салған Елизавета Белецкаяны жанкүйерлер гүл шоқтарымен, әнмен қарсы алды. Ұшақтан түсе салысымен жерлестерінің ыстық ықыласына бөленген риддерлік биатлоншы қуанышын жасыра алмады.

— Жарыстан алған әсерімді сөзбен айтып жеткізу қиын. Бұған дейін Азия ойындарына қатысып көрмеген едім, сондықтан тыңғылықты дайындалдым. Жарыс өте тартысты өтті, әсіресе қытайлық қарсыластар босаңсуға мүмкіндік бермеді. Көңіл күйім алаңдаулы болды, сондықтан ату кезінде бір рет мүлт кеттім. Бірақ жылдам жүгіруге тырыстым. Шынымды айтсам, биылғы Азия ойындарында жүлде аламын деп ойламадым. Тіпті, Азиадаға қатысуым соңғы сәтте ғана белгілі болды, — дейді спортшы.

Елизавета бала күтіміне байланысты спорттан біраз уақыт қол үзген еді. Осыны ескерсек, оның Азия ойындарында жоғары нәтиже көрсетуі – үлкен жетістік.

— Демалыстан кейінгі нәтиже жаман емес, бірақ мінсіз де емес. Қалыпқа келу, жарыс ырғағына қайта кіру қиын болды. Дегенмен, бұл медаль біз үшін өте маңызды. Харбинге жеңіс үшін барғанбыз, дегенмен қола жүлде де – үлкен жетістік. Енді аздап тынығып, алдағы жарыстарға дайындаламын. Бізге қолдау көрсеткен барлық жанкүйерге зор алғысымды білдіремін! — деді биатлоншы.

Айта кетейік, Қытайда өткен 2025 жылғы Азия ойындарында Қазақстан спортшылары 20 медаль жеңіп алды. Оның төртеуі – алтын, тоғызы – күміс, жетеуі – қола. Жалпыкомандалық есепте Қазақстан құрамасы Қытай, Оңтүстік Корея және Жапониядан кейін төртінші орын алды.

Нұржан Кенжеұлы
Фото: Махаббат Ахметжанова

Оқи отырыңыз
ШҚО-ның жеңіл атлеттері Азия чемпионатында алтын мен қола иелендіЖеңіл атлеттер жерлестерінің қошеметіне бөленді - ШҚОФристайл-акробатикадан Ұлттық құрама тарихи алтын медаль жеңіп алдыАзия ойындары-2025: Қазақстандық биатлоншылар алғашқы жарыста үздік бестікке ендіАйбар Мұқашев ел қоржынына қола медаль салды

Біздің Instagram парақшамызға жазылыңыз

Жаңалықтарды ең бірінші болып оқыңыз

жазылу
Компания туралы Байланыс деректері Сайттағы жарнама
Қолдану ережелері Құпиялық саясаты

Материалдарды редакцияның жазбаша рұқсатымен ғана көшіруге болады. Пайдаланылған материалдарға тікелей гиперсілтеме көрсету қажет.

2011-2024 “Altainews.kz”