"Үздік туристік ауыл - 2025" ұлттық байқауы өтеді
pexels.com
"Үздік туристік ауыл - 2025" ұлттық байқауына қатысуға өтінімдер қабылдау басталды,- деп хабарлайды Altainews.kz тілшісі "Kazakh Tourism" ҰК АҚ сілтеме жасап.
Жоба тұрақты туризмді дамытуға, мәдени мұра мен дәстүрлерді сақтауға және Қазақстандағы ауылдық жерлердің экономикалық өсуіне жәрдемдесуге бағытталған.
Мақсаты - өңірлерде туризмді қолдау және дамыту, мәдени мұраны, дәстүрлер мен экожүйелерді сақтау.
Байқауға қатысушыларды туризм және оған сабақтас салалардағы сарапшылардан тұратын тәуелсіз кеңес бағалайды. Ұлттық кезеңнің жеңімпаздары БҰҰ Дүниежүзілік Туристік Ұйымы (UN Tourism) өткізетін UN Tourism Best Tourism Village халықаралық байқауында Қазақстанды таныстырады.
Өтінімдерді қабылдау 2024 жылғы 30 желтоқсанға дейін жүргізіледі, қатысушылар саны шектеулі.
Конкурсқа құжаттар қосымшаға сәйкес product@qaztourism.kz электрондық мекенжайға жіберілуі керек .
Оқи отырыңыз
