Самар ауданының Көкжыра ауылының тұрғындары Амангелді орта мектебін мақтаныш тұтып, оны «қасиетті орын» деп атайды. Бұл мектеп олардың ұл-қыздарына білім беріп, өмірге жол ашты деп есептейді, деп хабарлайды Altainews.kz тілшісі. 

Мектептің көпжылдық қызметі барысында 16 оқушы «Алтын белгі» иегері атанып, төрт оқушы күміс медаль алған. Сонымен қатар, мектептен ғылым кандидаттары, білікті дәрігерлер мен заңгерлер, дарынды ұстаздар түлеп шыққан. 

Амангелді орта мектебінің тарихы 1935 жылдан бастау алады. Бастапқыда төрт жылдық бастауыш мектеп ретінде ашылған білім беру мекемесі 1971 жылы жетіжылдық, кейін сегізжылдық орта мектепке айналды. Сол кезде мектепте шамамен 310 оқушы оқыған болса, кейін қайта құру жұмыстарынан кейін бұл оқу орны шағын жинақталған мектептер қатарына қосылды. 

Оқушылар санына қарамастан, бүгінгі таңда Амангелді орта мектебі өңіріміздегі ең үздік білім беру ұйымдарының бірі болып табылады. Мемлекет пен демеушілердің қолдауымен мектептің материалдық-техникалық базасы жыл сайын жақсаруда. Мектептегі физика, информатика, география, тарих, бастауыш сынып кабинеттері заманауи талаптарға сай жабдықталған. 

Оқушылар мен ұстаздардың жұмыс істеуі үшін барлық жағдай жасалған. 2022 жылы сапалы білім беру нәтижесінде мектеп Шығыс Қазақстан облысы әкімінің «Үздік білім беру ұйымы» грантының лауреаты атанып, материалдық-техникалық базасын 16 миллион теңгеге толықтырды, – дейді мектеп директоры Гаухар Бибосинова. 

МЕКТЕП МАҚТАНЫШЫ 

Амангелді орта мектебі, жоғарыда айтылғандай, 50 жылдық даму тарихына ие. Бүгінде мектепте 88 бала білім алуда, ал мектеп жанындағы шағын орталықта 24 бала тәрбиеленуде. Ғимаратта 12 кабинет, шағын орталық бөлмесі, спорт залы және шеберхана бар. 

Мұғалімдер құрамында 26 адам бар, оның ішінде 10 педагог-зерттеуші және 5 магистр. Олар оқушылардың шығармашылық қабілеттері мен өзін-өзі тануын дамыту арқылы білім сапасын арттырып, жас ұрпаққа білім таратумен айналысады. Бұл жас ұрпақ – еліміздің болашағының иесі, сондықтан ұстаздар балаларды еңбекқорлыққа және білімқұмарлыққа баулуға бар күш-жігерін салады. 

Амангелді орта мектебінің оқушылары пәндік олимпиадалар, жобалар және жалпы білім беретін пәндер бойынша аудандық, облыстық және республикалық деңгейдегі жарыстарда үнемі жеңімпаз атанып келеді. 

Мысалы, 2022 жылы Амангелді мектебінің түлегі Баян Қасымова «IQanat» білім беру қорының грантын жеңіп алды. 

2023 жылы 11-сынып оқушысы Жасмин Ермекбаева қазақ тілі мен әдебиеті бойынша облыстық жоба байқауында бірінші орынға ие болды. 7-сынып оқушысы Жайна Құдайберген орыс тілі, қазақ тілі және әдебиеті бойынша байқауда екінші орын, ал 11-сынып оқушысы Қарақат Қалымбек Қанипа Бітібаева атындағы облыстық олимпиадада үшінші орын алды. 

2024 жылы 8-сынып оқушысы Амангелді Нұрланбекұлы «Менің кіші Отаным» жас тарихшылар облыстық байқауында қола медаль иеленді, ал 9-сынып оқушысы Аружан Дәухаринова күміс медаль алды. Республикалық олимпиаданың ауыл мектептеріне арналған облыстық кезеңінде 9-сынып оқушысы Аяулым Жеңісова биология пәнінен үшінші орын, 9-сынып оқушысы Ерназ Құсайынов география пәнінен үшінші орын, ал 11-сынып оқушысы Абылайхан Есенбеков қазақ тілі мен әдебиеті бойынша екінші орын алды. 

Сондай-ақ, Абылайхан Есенбеков қазақ әдебиеті бойынша «Мәшһүр-Жүсіп оқулары» ғылыми-зерттеу жобасында үшінші орынға ие болды, ал 8-сынып оқушысы Гүлжанат Қалымбек «Абайтану» байқауының облыстық кезеңінде жеңімпаз атанды. 

СПОРТТЫҚ ЖЕТІСТІКТЕР 

Амангелді мектебінде ұлдар мен қыздарға арналған волейбол секциялары, еркін күрес, үстел теннисі, мини-футбол, қол күресі, шахмат, дойбы, тоғызқұмалақ секциялары, сондай-ақ Самар балалар музыка мектебінің домбыра клубының филиалы жұмыс істейді. Осы үйірмелер мен секцияларда мектеп оқушыларының 97%-ы белсенді қатысады. 

Мектеп түлектері Қалибек Қалымбек, Ақжол Ынтымақ, Шыңғыс Мұхаметқалиев волейбол мен еркін күрестен халықаралық деңгейдегі жарыстарға қатысып, чемпион және жүлдегер атануда. 

Амангелді мектебінің оқушылары волейбол, шахмат, тоғызқұмалақ, қол күресі, жеңіл атлетика бойынша Шығыс Қазақстан облысының қысқы чемпионатында, облыстық Балалар лигасының көктемгі чемпионатында, «Алтай балалары» лигасында, Ұлттық мектеп лигасында жүлделі орындарға ие болды. 

Атап айтқанда, 9-сынып оқушылары Ақтілек Әбіш, Амангелді Нұрланбекұлы, Ерзат Қайрат, 8-сынып оқушылары Сая Қасымова, Жанерке Нұржанқызы, Жанайым Медетқызы, 7-сынып оқушысы Айару Медетқызы спорттық жарыстарда жоғары нәтижелер көрсетті. 

2023 жылы 7-сынып оқушылары арасында үстел теннисінен өткен Шығыс Қазақстан облысының ашық чемпионатында Сая Қасымова бірінші орын, Мөлдір Марат үшінші орын алды. 

2024 жылы мектеп командасы Ұлттық мектеп лигасының аймақтық кезеңінде үстел теннисінен үшінші орынға ие болып, Қазақстан Республикасы Үстел теннисі федерациясынан сыйлық ретінде теннис үстелін алды. 

ҮШТҰҒЫРЛЫ ОДАҚ 

Біртұтас білім беру бағдарламасы аясында және ата-аналарға педагогикалық қолдау көрсету орталығының қатысуымен «мектеп – отбасы – оқушы» үшжақты одақ білім беру процесінде ерекше әсер мен ықпал етуде. Бұл баланың тұлға ретінде қалыптасуы мен танымдық дамуына ықпал етеді. 

Қазақстан Республикасының Президенті Қасым-Жомарт Тоқаев Ұлттық құрылтайдың үшінші отырысында: «Жауапты адам – адал еңбек – лайықты табыс» – бұл бір-бірінен ажырамас және прогрессивті мемлекеттің негізін құрайтын маңызды ұғымдар екенін атап өтті. 

Көреген ұлттың тәрбиелік үдерісінде мұғалімнің рөлі әр оқушының осы құндылықтарды берік ұстанып, оларды келесі ұрпаққа жеткізуінде. 

Гүлжанат Ибраева, 

Самар ауданы білім беру бөлімінің әдіскері 

Фото: Амангелді орта мектебінің мұрағатынан алынды