Өскемен қаласында понтон көпірінің астынан өтетін құбырларды ауыстыру жұмыстары екі кезеңмен жүргізіледі. Әр кезең шамамен екі апта уақыт алады, деп хабарлайды Altainews.kz тілшісі.

Өскемен қаласының әкімі Алмат Ақышов понтон көпірінің неліктен бірнеше ай бойы жартылай жабық болғанын түсіндірді. Өткен жылы көпір маңында коллекторды жөндеу жұмыстары басталған болатын. Осы жұмыстар аясында көпір астынан өтетін құбырларды ауыстыру қажет болды. Бірақ қаржы тым кеш, күз басталар уақытта бөлінді.

Әкімнің айтуынша, осындай ойластырылмаған шешімдер жұмыстың бірнеше айға созылуына әкелді.

Алмат Ақышов ең оптимистік болжам бойынша жөндеу жұмыстары мамыр айының алғашқы күндерінде аяқталып, көпір көлік қозғалысы үшін ашылады деп атап өтті.

Елизваета Седых

Ержан Әбіш

Фото: Жәнібек Ырысбай