Үлкен Нарын ауылында облыс басшылығы инфрақұрылымның негізгі нысандарымен танысады деп күтілуде. Жергілікті мемлекеттік органдармен арнайы кеңестер барысында ауданның дамуына қатысты өзекті мәселелер талқыланбақ, деп хабарлайды  Altainews.kz тілшісі.

Күн тәртібінде – жаз мезгіліндегі өрт қауіпсіздігін қамтамасыз ету, төтенше жағдайларға ден қоюға арналған техника мен жеке құрамның дайындығы, қазандықты техникалық тұрғыда тексеру, сондай-ақ қысқы маусымда жылумен үздіксіз қамтуға бағытталған жөндеу жұмыстарының барысын бақылау.

Облыстық әкімдіктің көшпелі отырысында ауданның биылғы әлеуметтік-экономикалық даму көрсеткіштері мен алдағы жылыту маусымына қойылатын міндеттер қаралады.

Сондай-ақ жазғы демалыс пен балалардың сауықтырылуын ұйымдастыру, халықты қолдау шаралары және экологиялық мәселелерге ерекше назар аударылмақ.

Дамир Омаров