Мемлекеттік рәміздер күніне орай Өскемен қаласының әкімдігі қала тұрғындары мен қонақтарын «Қазақстан» тауына қарай  жаппай жүгіру шарасына қатысуға шақырады, деп хабарлайды Altainews.kz  тілшісі.

Салтанатты бағдарлама 4 маусым күні сағат 9:30-да басталып, 10:30-ға дейін жалғасады. Осы уақыт аралығында әуесқой спортшылар мен ниет білдіргендер символикалық түрде бірлікті және жаңа шыңдарға ұмтылысты білдіретін тауға көтеріледі.

Жүгіруден кейін, сағат 10:30-да Қазақстан Республикасының Мемлекеттік Гимні бірлесіп орындалады. Ал 10:40-та мемлекеттік қызметке жаңадан қабылданған азаматтардың салтанатты түрде ант беру рәсімі өтеді. Бұл — дәстүр сабақтастығы мен Отанға адалдықтың жарқын көрінісі.

Қала тұрғындары мен қонақтарын бұл маңызды шараға қатысып, жүгіру қатысушыларына қолдау көрсетуге шақырамыз. Іс-шара «Қазақстан» тауында өтеді.

Дамир Омаров