Жеңіл салмақта UFC чемпионы ресейлік файтер Хабиб Нурмагомедов Қазақстанға келмекші, - деп хабарлайды Алтайньюс тілшісі Vesti.kz-ке сілтеме жасап.

Қазақстандық жанкүйерлердің бірі Нурмагомедовке балалар үйінің тәрбиеленушілері үшін үндеу жолдап, кітап сыйлауды өтінді. Хабиб оған Instagram желісі арқылы жауап берді.

«Биыл Қарағандыға барамын және міндетті түрде сіздердегі балалар үйіне соғамын, ИншаАлла. Ал сенің өтінішіңе қатысты дайректте байланысқа шығады, күт», - деп жазды Нурмагомедов.

Спортшының соңғы алты жазбасы жанкүйерлерінің өтініштеріне арналған. Ол жанкүйерлерінің пікірлері мен жағдайға қатысты өз ойларының скриншотын жариялады.