Риддердің еріктілері де қаланы қардан тазартуда
Алғашқы толассыз жауған қардан қаланы тазарту жұмыстарына Риддер қаласының жастар ресурстық орталығының қызметкерлеріне көмекке басқа да тұрғындар қосылды, деп хабарлайды Altainews.kz тілшісі.
Еріктілер қаланың орталығын, орталық жолдар, тротуарлар мен автобус аялдамаларын тазартты. Осылайша қауіпсіз көлік қозғалысын қамтамасыз етті, жаяу жолаушыларға да жағдай жасады.
Қала көшелерін қардан тазарту жұмыстарына тұрғындардың өздерінің атсалысуы әлеуметтік жауапкершіліктің маңыздылығын көрсетіп, көпке үлгі болды.
- Біздің еріктілер - нағыз батырлар. Олардың белсенділігі мен тұрғындарға деген қамқорлығы қаланы қауіпсіз әрі ыңғайлы ете түсті, - дейді Риддер қаласының жастар ресурстық орталығының директоры Назгүл Ұнтабаева.
Қала тұрғындары бұл бастамаға қолдау білдіріп, еріктілердің еңбегіне алғыстарын айтуда. Риддер қаласының әкімшілігі де тұрғындарды мұқият болып, қажет болған жағдайда еріктілердің акцияларына қосылуға шақырады.
Оқи отырыңыз
