ШҚО-да қолайсыз ауа райы ертең де сақталады
Фото: ашық дереккөз
«Қазгидромет» ШҚ филиалының бүгінгі ақпараты бойынша 19 сәуірде күндіз тағы да облыстың солтүстігінде, шығысында, орталығында жауын-шашын, жаңбыр, қар күтіледі.
Облыстың солтүстігінде, шығысында көктайғақ. Оңтүстік-шығыстан соғатын жел солтүстік-батысқа ауысады. Облыстың солтүстігінде, шығысында, оңтүстігінде күндіз 15-20, екпіні 23 м/с дейін жетеді, деп хабарлайды Altaynews тілшісі.
Өскемен қаласында оңтүстік-шығыстан соғатын жел солтүстік-батысқа ауысады, күндіз екпіні 15-20 м/с.
Халыққа сақтық шараларын сақтау қажет. Дауыл туралы ескертуді ескеріңіздер, барлық ұзақ сапарларға, елді мекендерден алысқа шықпаңыз. Автожолдардың жай-күйі, дауылдың алдын алу туралы ақпаратты «Дәрмен» тегін ұялы қосымшасын жүктеу арқылы біле аласыз. Елді мекендерде жүргізушілер жылдамдық режимін сақтауы керек, жаяу жүргіншілер жарақат алу мүмкіндігін азайту үшін шаралар қабылдауы керек, дейді ШҚО ТЖД баспасөз қызметіндегілер.
Төтенше жағдайлар туындаған кезде «112» телефонына хабарласу қажет.
Оқи отырыңыз
