«Ақпан айы – жан-жануар үшін ең бір қысылтаяң мезет. Бұл айда қар қалыңдап, аяз күшейіп, жел үдей түседі. Ой-қырдағы аң-құс атаулы бір түйір азық таппай әуреге түседі. Құстар – біздің досымыз. Олар тіршілікке сән береді. Сондықтан адамның әніне де айналған. Мәселен, қазақ халқында «Қараторғай» деген тамаша ән бар... Дәл қазір біз сол достарымызға көмек қолын созуымыз керек. Енді бір он шақты күнде аяздың да беті қайтар. Бүгін екі адам қоңырау шалып, аулада құстар өліп жатқанын айтты. Сондықтан тұрғындарға үндеу жасағым келеді. Әрбір аулада жемсауыт жасамасақ та, соқпақ жолдарға дән шашып қоюға болады. Құстар шашылған жемді қашан да тауып жейді. Бұл іске мектептерді де жұмылдыруға болатын шығар. Әрбір тұрғын қолдан келген көмегін жасаса, – дейді ғалым.