ҚР Президенті қазақстандықтарға және шет мемлекеттердің басшыларына алғыс айтты
Фото: akorda.kz
Мемлекет басшысы Қасым-Жомарт Тоқаев қазақстандықтарға және тілеулестік танытқан шет мемлекеттердің басшыларына алғыс айтты.
Президент су тасқынына қарсы күресте көрсеткен қолдауы мен көмегі үшін қазақстандықтарға және шет мемлекеттердің басшыларына ризашылығын білдірді, деп хабарлайды Altainews.kz сайты.
- Еліміздің бірқатар өңірінде табиғи апат орын алған сәттен бері менің атыма достас мемлекеттердің басшыларынан жылы лебіздері мен көмек көрсету жөнінде ұсыныстары жазылған хаттар келіп түсіп жатыр. Қазақстан жойқын су тасқыны кезінде жәрдем беруге дайын екенін білдіргені үшін достас елдерге шын жүректен алғыс айтады. Менің тапсырмам бойынша Премьер-Министр бастаған республикалық штаб төтенше жағдайдың салдарын барынша азайту үшін пәрменді шаралар қабылдап жатыр. Зардап шеккен барлық азаматқа қажетті көмек көрсетілуде. Олардың бүкіл шығындары өтеледі. Бірде-бір адам назардан тыс қалмайтынын жуырда отандастарыма арналған үндеуімде айттым. Апатқа қарсы күрес жалғасуда. Қиын-қыстау кезде халқымыз өзін тағы да ең жақсы қырынан танытып, бірлік пен төзімділіктің үлгісін көрсеткені қуантады. Қазақстан азаматтарына шын жүректен алғыс айтамын, – деп жазылған Мемлекет басшысының Instagram парақшасында.
Оқи отырыңыз
Қасым-Жомарт Тоқаев қазақстандықтарға және тілеулестік танытқан шет мемлекеттердің басшыларына алғыс айттыҚР Президенті шет ел басшылары мен қазақстандықтарға ризашылығын білдірдіҚасым-Жомарт Тоқаев өзіне сенім білдірген қазақстандықтарға алғыс айттыШҚО-ның кәсіпкері мемлекет басшысына алғыс білдірдіПрезидент Үкімет пен әкімдердің жұмысын сынға алды
