Мектептерде осы жылы енгізілген қазақ тілінен емтихан тапсыру кезеңі басталды. Ол 31 мамырға дейін жалғасады, емтиханды тапсырудың нақты күнін оқу орындары өзі белгілейді, деп хабарлайды Altainews.kz тілшісі.

Емтиханды 5-8 және 10 сынып оқушылары тапсырады. Ол екі бөліктен тұрады: жазбаша және ауызша.

Оқушылар эссе жазумен қатар оқу, тыңдау және сөйлеу дағдыларын көрсетуі керек. Емтихан  ТЖБ (тоқсандық жиынтық бағалау) форматына ұқсас болады.

Емтиханның максималды нәтижесі-30 балл. Бағалау келесі көрсеткіш бойынша қойылады:

• 0-11 балл – төмен, оқушы емтиханды қайта тапсырады;
• 12-18 балл – орташа көрсеткіш («3»);
• 19-24 балл – жақсы көрсеткіш («4»);
• 25-30 балл – өте жақсы көрсеткіш («5»).

 «Емтихан - бұл қазақ тілін оқыту сапасын жақсарту бағытындағы шара, ол оқушылардың құқықтарына нұқсан келтірмеуі және келесі сыныпқа өтуге кедергі болмауы тиіс»,- деп атап өтті Ғани Бейсембаев.