ШҚО-да мектеп жанындағы тілдік лагерьлердің жұмысы басталды
Фото: depositphotos.com
Оқушылардың жазғы демалысын тиімді өткізу үшін көптеген іс-шаралар ілегі өтуде. Шығыс Қазақстан облысында 4 мыңнан аса баланы қамтыған мектеп жанындағы тілдік лагерьлер өз жұмысын бастады, деп хабарлайды Altainews.kz тілшісі.
Оныншы маусымда басталған тілдік лагерь Шығыс Қазақстан облысындағы 339 мектепте өтуде. Оған 4050 оқушы қатысып, үш тіл бойынша білімдерін жетілдіруде.
– Барлығы 4050 оқушы тілдік лагерьге қатысуда. Облысымыздағы 122 мектепте 2010 баланы мемлекеттік тілдік ортаға, 120 мектепте 1740 баланы орыс тілді ортаға бейімдеу шаралары ұйымдастырылуда. Сондай-ақ, 18 лицей мен гимназияларда 300 баланы ағылшын тілін тереңдете оқыту жұмыстары жүргізілуде, – деп хабарлады Шығыс Қазақстан облыстық білім басқармасы.
Осылайша, оқушылар жазғы демалыстарында да тіл үйреніп, білімін жетілдіре түсуде.
Оқи отырыңыз
