Шығыс Қазақстанның экономикасының 40 пайызын өнеркәсіп орындары құрайды. Әр аудан басшысы сол саланы зерттеп, қанша салық түсетінін бағамдап, ағымдық ахуалды біліп отыруға тиіс екендігін облыс әкімдігінде өтіп жатқан жиын барысында өңір басшысы Ермек Көшербаев айтты, деп хабарлайды Altainews.kz тілшісі.

Үкімет резервінен бөлінген 19,2 млрд. теңге толық көлемде игерілді. Бұл туралы қаржы басқармасының басшысы Светлана Большакова мәлім етті. Үкімет резервінен бөлінген қаражат есебінен Риддер ЖЭО жөндеуге - 7,4 млрд. теңге, Гематология орталығының құрылысына – 4,0 млрд. теңге, жаңадан құрылған Марқакөл ауданы мен Катонқарағай ауданындағы әкімшілік ғимараттарды күрделі жөндеуге – 3,8 млрд. теңге, медициналық пунктер салуға – 3,8 млрд. теңге жұмсалғанын айта кету керек.

Ажар Мұратқызы