Жел күшейіп, солтүстікте тұман түседі – Қазгидромет
фото: depositphotos.com
«Қазгидромет» РМК-сы тамыздың 19-ы күнгі күн райы болжамын жариялады, деп хабарлайды Altainews.kz тілшісі.
Кәсіпорынның деректеріне қарағанда, 19-шы тамыз күні солтүстік-батыс циклонының әсерінен Қазақстанның басым бөлігінде күн құбылып тұрады, найзағай ойнап, бұршақ жауады және дауыл тұрады, жаңбыр жауады, елдің солтүстік-батысында, шығысында, оңтүстік – шығысында қатты жаңбыр жауады. Республика бойынша желдің күшейіп, елдің солтүстігінде, солтүстік-батысында – түнде және таңертең тұман түседі.
- Қызылорда, Түркістан, Жамбыл облыстарында, Алматы облысының батысында, солтүстігінде, Жетісу облысының оңтүстігінде, оңтүстік-шығысында, Маңғыстау облысының солтүстік-батысында, орталығында, Атырау облысының оңтүстік-батысында, солтүстік-шығысында, Шығыс Қазақстан облысының оңтүстігінде, орталығында, Қарағанды облысының шығысында, оңтүстігінде, Ұлытау облысының оңтүстігінде, Абай облысының батысында, солтүстік-батысында, оңтүстігінде төтенше өрт қаупі сақталады, - деп жазылған хабарламада.
Оқи отырыңыз
