Вице-министр екінші деңгейлі банктер беретін ипотеканы субисдиялау бағдарламасы туралы да айтты.

Индустрия және инфрақұрылымдық даму министрінің орынбасары Еркебұлан Дауылбаев тілшілердің "7-20-25" бағдарламасы туралы сауалға жауап берді. 

7-20-25 бағдарламасы жабылмайды. Мемлекет басшысының тапсырмасына сәйкес, аталған бағдарламаны жалғастыру жөнінде нұсқау бар, – деді вице-министр.

Айта кетейік, бұған дейін бағдарлама қаражат толықтай игерілуіне байланысты 2022 жылдың соңына дейін ғана қолжетімді болатыны туралы ақпарат шыққан. Себебі бағдарламаны іске асыруға 1 трлн теңге қаражат бөлінген еді.