Жастар жылының логотипі бекітілді
Жастар жылының логотипі бекітілді, деп хабарлайды Алтайньюс тілшісі.
Бұл туралы ҚР Қоғамдық даму министрлігі мәлімдеді.
23 қаңтарда Астанада Қазақстандағы жастар жылының ресми ашылуы өтеді. Осыған орай «Жастар жылының» логотипі әзірленді, онда тырналардың ұшуы бейнеленген. Ұшудың бұл тәсілі – құстарға алыс қашықтықтарды еңсеруге мүмкіндік беретін көрінеді. Тырналардың топтанып, бір-бірін қанатының астына ала ұшып, бірлескен қимылдың арқасында қосымша көтерілу күшіне ие болатыны ғылымда да дәлелденіпті.
– Тырналар мәңгілік жастықтың, бақыт пен сәттіліктің бейнесі. Логотип авторлары оның түс гаммасына да ерекше мән берді – дейді министрлік.