ШҚО: Құрғақ шөп пен бұта өрті ауыздықталды
Видеодан скринделген сурет
Северное ауылынан 10 шақырым жерде басталған өрт толығымен ауыздықталды.
Өртті сөндіруге 152 адам жұмылдырылған, деп хабарлайды Altaynews тілшісі.
Оның ішінде ШҚО ТЖД қызметкерлері мен арнайы құрылған Табиғи ресурстар және табиғат пайдалануды реттеу басқармасының авиаотряды бар.
– Северное мен Серебрянск елді мекендеріне қауіп төнген жоқ. Өрттің ауданы 23 гектарды құрап, құрғақ шөп пен бұта өртенді. Құтқарушылар кезекшілікте қалады, өйткені, синоптиктердің болжамы бойынша, бүгін секундына 21 метрге дейін екпіні бар қатты жел болуы мүмкін. Қазір онда су төгетін құрылғылары бар екі тікұшақ жұмыс істеп, барлық ықтимал өрт және жану ошақтары төгіліп жатыр. Күн сайын әуе патрульдері бақылау жүргізуде. Аймақта ыстық, құрғақ ауа райы орнап, өрт қаупінің жоғары 5 класы жарияланды. Барлық жағдай басты назарда, – деді аймақ басшысы Даниал Ахметов.
Сондай-ақ облыс әкімі қызыл жалынды ауыздықтауға қатысқандардың барлығы қажетті заттармен қамтамасыз етілгенін атап өтті.
Оқи отырыңыз
