Осы сенбі күні Қытайдың Тяньцзинь қаласында волейболдан клубтық Азия чемпионаты жалауын желбіретеді. Байрақты бәсекеде Қазақстан намысын Өскеменнің «Алтайы» қорғайды, деп хабарлайды Алтайньюс тілшісі.

Айта кетейік, биылғы дода «Алтай» қыздары үшін төртінші құрлықтық бәсеке болайын деп тұр. Бұған дейінгі үш жарысты да (оның екеуі Өскеменде өткен) жерлестеріміз жүлдеге қолсозым жерде, төртінші орында аяқтауға мәжбүр болған.

Ал биылғы чемпионатта Юрий Панченко шәкірттері «А» тобында өнер көрсетеді. Бұл топқа біздің волейболшылардан бөлек, жарыстың басты фавориттерінің бірі саналатын жергілікті «Тяньцзинь Бохай Банк» командасы мен Иран, Гонконг және Қытайлық Тайбэй чемпиондары түскен. Алғашқы кездесуін жерлестеріміз 27 сәуір күні тайбэйлік командамен өткізбек.

Төменде оқырман назарына «Алтайдың» чемпионат аясында өткізетін ойындары кестесін ұсынып отырмыз:

Бірінші раунд:

27 сәуір, сағат 14:00 – «Алтай» – Қытайлық Тайбэй өкілі;
28 сәуір, сағат 14:00 – «Алтай» – Гонконг өкілі;
30 сәуір, сағат 19:00 – «Алтай» – «Тяньцзинь Бохай Банк» (Қытай);
01 сәуір, сағат 09:00 – «Алтай» – Иран өкілі;
02 сәуір – демалыс күні.