Қазспорт арнасы қызылшеке төбелесті көрсетпейтін болды
Қазспорт арнасы уақытша қызылшеке төбелесті көрсетпейтіндігін мәлімдеді, деп хабарлайды Алтайньюс тілшісі.
«Арнаға қатысы жоқ себептермен UFC жекпе-жектері уақытша көрсетілмейді. Келісімшарт тоқталды. Бірақ алдағы уақытта жағдай реттеліп, көрсетілім жалғасады деп сенеміз», делінген арнаның ақпаратында.
Айта кетейік, бұл бір ғана Қазспорттың басындағы жағдай емес. Бірнеше басқа елдің де спорт арналарының келісімі тоқталыпты.
Естеріңізге сала кетейік, ертең Орынбордың қазағы Дамир Ысмағұлов пен Джоэль Альварес жұдырықтасады. Кездесу Астана уақытымен 22:00-де басталады деп жоспарлануда. Ал оны ESPN+ және ESPN2 арналары ұсынады. Өкініштісі, екі арнаны да біздің елде тамашалау мүмкін емес.