Шығыс Қазақстан облысында биыл өрттің қауіпті кезеңі басталғалы екі орман өрті тіркелген. Мамандардың айтуынша, өрттің шығуына негізінен найзағай және қолайсыз ауа райы себеп болған.

Естеріңізге сала кетейік, биыл өңір бойынша өрттің қауіпті кезеңі 8 сәуірде басталған. Бұл туралы облыс әкімдігінің мәжілісінде табиғи ресурстар және табиғат пайдалануды реттеу басқармасы басшысының міндетін атқарушы Арман Есентаев мәлімдеді, деп хабарлайды Altainews.kz тілшісі.

Биыл мемлекеттік орман күзетінің дайындығында 226 өртке қарсы техника және 4 мыңнан астам өртке қарсы құрал-жабдық дайындалған.

Өңірдің орман және дала аймағындағы ықтимал өрттерден халықты, аумақтарды және шаруашылық жүргізу объектілерін қорғау мақсатында Шығыс Қазақстан облысының аумағындағы орман және дала өрттерін алдын алу және жою жөніндегі іс-қимыл жоспары жасалған.