Ұрланған көлік көше камераларының көмегімен табылды – ШҚО
Фото: ШҚО ПД баспасөз қызметі
Глубокое ауданында ұрланған көлік бейнебақылау камераларының көмегімен Өскемен қаласынан табылды.
Глубокое ауданының полиция бөліміне Белоусовка кентінің тұрғыны кешкі уақытта белгісіз адам оның үйінің ауласында тұрған "ВАЗ" маркалы көлігін ұрлап кеткені туралы өтінішпен жүгінген, деп хабарлайды Altaynews тілшісі.
"Жедел-іздестіру іс-шараларын жүргізу барысында тәртіп сақшылары ЖБО бейнекамераларының көмегімен көліктің Өскемен қаласында тұрған жерін анықтап, күдіктіні ұстады. Көлікті айдап әкеткен облыстың 20 жастағы тұрғыны болып шықты. Полиция көлікті заңды иесіне қайтарды. Қазіргі уақытта осы факті бойынша ҚР ҚК-нің 200-бабы 1-бөлігімен сотқа дейінгі тергеу жүргізілуде", дейді ШҚО ПД баспасөз қызметі.
ШҚО ПД көлік құралдарының иелерін мұқият болуға, тіпті аз уақытқа кетсе де көлікті ашық қалдырмауға, сондай-ақ автокөлікті сигнализациямен жабдықтауға кеңес береді.
Оқи отырыңыз
